[poem=font=",6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/20.gif" border="none,4," type=2 line=0 align=center use=ex num="0,black""]



هل الهلال وياهلا كل مـا هـل=هذا شهر تسعـة وهـذا هلالـه
يامرحبا مليون يـوم انـه اقبـل=حنا على خبره وحنـا رجالـه
نفرش له الورد الشمالي على زل=والهيل فاله وازرق العـود فالـه
استبشرت كل الفيافي بعد طـل=والنور شع وزاد عقب اكتمالـه
في طلته جتنا الإجابه على هـل=هذا الجواب اللي نسينـا سؤالـه
والقصة اللي مالقينـا لهـا حـل=هل ولقينـا حلهـا مـن خلالـه
ماهو غريب يحلها شيخنـا بـل=فيها الغريب انـا نـدور بدالـه
شعبان زال وباقي الخير ما زل=واطلب من الله لا يقـدر زوالـه
ماباقي الا الغيث طوّل ولا هـل=وإن هل حتى البر يلبس جمالـه
نروح له ونحل داره ليـا حـل=البرمالي والمطـر راس مالـه
وراس مالي جلسةٍ في طرف تل=والغصن وقت القيظ يكفي ظلاله
خمسين عام وخاطري منه ما مل=شرقه وغربه والجنوب وشمالـه
اعرف دروبه كلها زين 00وأدل=واللي يعذرب فيه مالـي ومالـه
تقبلوا مـا دل وافيـن لـو قـل=من شاعرٍ شعره على قد حالـه [/poem]

__________________
"][/URL]