اسعد الله صباحكم/ مساكم بكل خير
متواضعه جديده تعبر عما بداخلها
مواعيد الهوى
درب المحبه والهوى حيل غلاب
النفس منها يا اريش العين طابت
ياما تمادينا بها دنيا الاحباب
يوم الفرح رحال والحزن ثابت
خضنا تجاربها مع احباب واصحاب
روح الهواوي في دروبه ما هابت
واليوم انا باوصيك يابنت الاجناب
مادام نفسي عن هوى الزين تابت
العالم الله بالهوى الراس قد شاب
وظروف وقتي والمواعيد شابت
مابين هجر ووصل ودموع وعتاب
هذي ليال العشق ودت وجابت
احباب يوم ويوم حنا به اغراب
دعوة عواذل للفراق استجابت
قصة غرام كتابها ماهو كتاب
فيها سؤال اجابته عنك غابت
كيف الهوى يابنت يوصف بالاعجاب
دام العيون بدمع الايام ذابت
الحب واحد لو تعدد بالاسباب
اسبابه ان طالت لياليه خابت
قال المثل هذا بلا ابوك ياعقاب
ياعقاب بلوانا مع الوقت صابت
مابين وصل وهجر ودموع وعتاب
هذي مواعيد الهوى اليوم شابت
وسلامتكم
ابراهيم السلمي