المشاركة الأصلية كتبت بواسطة عبدالرحمن بن عبدالرحيم العلؤي

[poem=font=",6,crimson,normal,italic" bkcolor="transparent" bkimage="" border="double,4,blue" type=2 line=0 align=center use=ex num="1,black""]
عزاه ياقلبي من الهم عزاه=وعزاه ياقلب همومه تشيله
وعزي لمن مثلي زمانه تحداه=وحده علئ شيل الهموم الثقيله
وامست همومه بين الاضلاع تصلاه=صلي الدلال الصفر فوق المليله
علئ زعيم راح لايمكن انساه=الموت قفئ به وعجل رحيله
الموت يطلبنا ولامنه منجاه=عميل لابده يواجه عميله
واليوم قلبي زاد همه وبلواه=والروح من بعد المفارق عليله
ياهل الصبرمافادصبرأصبرناه=القلب شمعه والمنيه فتيله
عماه انا من بعد ماغبت عماه=صارت حياتي صعبه ومستحيله
اجاذب الونات وألاف والأاه=وشئ مقدرمامعي فيه حيله
كني كسيرالساق في ديرة اعداه=عظمه طحينه لونهض مايشيله
ون قام سال الدم فيض وتغشاه=والدم وبله مثل وبل المخيله
ينظربعينه يم ربعه ومرباه=وده بهم مير المسافه طويله
وخيول عدوانه تمروتعداه=ويبكي علئ ركض الجوادوصهيله
اسري مع الهوجاس لوطال مسراه=وارجع معه كني مظيع دليليه
واجاوب السرحان لاكرر اعواه=وقنب بصوته في الرجوم الطويله
عليك ياراع المواجيب والجاه=عليك يالابس ثياب الجميله
انت الذي في حزة الظيق ننخاه=وانت الذي بعدالولئ تلتجيله
وانت الذي رؤس المناعيرتنصاه=ونت الذي جور الدهرترتكيله
ياهل الوفاء لوجيت اعددسجاياه=الفين بيت تكون فيها قليله
الدين نوره ساطع في محياه=جامع درجات الفضل والفضيله
ون شاف له محتاج والوقت عناه=وشحت كفوف اهل اليدين البخيله
اغدق عليه الخير من كف يمناه=وملايدينه بالعطايا الجزيله
يسراه ماتعلم عن انفاق يمناه=ويمناه تزرع لاجل تحصد حصيله
والظيف لن شافه نهضله وحياه=ويقلط علئ ام الهيل والزنجيله
عسل علئ اصحاب القلوب المصفاه=وسم علئ اصحاب القلوب العلييه
وسيف ليا منه نطق يخرس اعداه=وليابطش روس العداءتنحتيله
يالله يامن كل خلقه ترجاه=انت ايلاه العبد وانت وكيله
عسئ عيون مابكت لاجل فرقاه=تفقدبصرها بين يوم وليله
وعسئ نفوس تكره اسمه وطرياه=تعيش مابين الخلايق ذليله
والله يعوظنا في شيخ فقدناه=نبراس جيل اليوم وعيال جيله
ماعادلدنياطعم بعدفرقاه=من يوم حول عن شداد الاصيله
شيخ الشيوخ اللي عصيرا دفناه= عبدالعزيزاللي يعادل قبيله
مرحوم ياقرم علئ الطيب رباه=حتئ الصعايب كله تستويله
يالله عسئ الفردوس داره ومثواه=وتظل قصره بالقصون الظليليه
وعسئ عوضنا في القصورالمبناه =اعيال صلبه متعبين الكحليه
واخص ابو ماجدعسئ النذل يفداه=سيف لمع بين السيوف الصقيله
رجلأعلئ درب الوفاء سارت اخطاه=ولاشال هم الوقت عدله وميله
اقولهاواحمئ كلامي ومعناه=ولاني من اللي يجلبون الهزيله
مايذكرافعال الرجال المسماه=الا الشجيع ابن الشجيع الهويله
ولاينكرافعال النشاماويكناه=الا الظعيف ابن الظعيف الهبيله[/poem]