[quote=حامد عمر البارودي;379975]
يا صاحبي يالي من الوضع زهقان
الوضع ماهـو معجـب الخـلـق كلـه
هاذي هي الدنيا ودورات الازمان
فيها الرخاء وفيها العسر والممله
لكنـك أركـزهـا علـى رب الاكـوان
رب(ن) بـيــده الامـر دقـه وجـلـه
شوف الربيع اللي كسى ذيك الاوطان
غطــى علــى العـالــم ربيـعـه بظـلـه
صارت مواطنهم متاهات وأحزان
يموت واحدهم قهر في محـلـه
مد النظر وأستبصر الحال يا فلان
عـزي لنفـس(ن) دربهـا مـا تدلـه
الوقـت لـه ميـلـه وللـوقـت عـوان
لكـن خـلـك يـا فـتـــى مـرتـكـلـه
وأن شفت في الايام زود ونقصان
مـوت بـشـرف ولا تمــوت بمـذلــه
الله يديم النــا طـويـلـيــن الايـمـان
محكمـيـن الشـرع مذهـب ومـلــه
في ظل عبد الله وفي ظل سلمان
شعـب ووطـن والـوضـع ربـك يحلـه
حامد الهميعي
الاخ الشاعر \ حامد البارودي
اهلا وسهلا وحياك الله مليون
هنا بين ربعك
صح لسانك على هذه القصيده الجزله
التي تحمل صور شعريه عن الوضع
للدول المجاوره الغير مستقر ومانحنوا
فيه ولله الحمد من أمن واستقرار
والحث على التمسك بذلك
بيض الله وجهك شاعرنا
لقد اوجزت واجزلت