مكر الاقارب
الي يبيعك .. لا قضى حاجته منك
بيعه .. عسى يفداك يا صاح.. بيعه
الي ليا زانت .. معه ..ابتعــد عنك
وشلون صيـفـه .. لا غـدربك ربيـعه
ياكم ناس(ن) تبتسم لك ..وتلعنك
اهل المكر .. واهل البلا والخديعه
مكر الاقارب ياعرب .. قمة الضـنك
والا البعيد ..اشوى ..تخف الفجيعه
لن البعيد ان هو نوى لو نوى الفنك
اقـدر ..ارد الي صنـع .. مـن صـنيـعه
لكن قريب الناس .. لن طاح يحزنك
قتله رخـامه .. وان تركـته .. شنيعـه
ماني بماكر .. لن نويتك .. ابا اعلنك
لن المكر .. عـادة ضعـاف الـوسيعـه
__________________
|