هذي مجاراة من الشاعر/سعدي خويتم اللبيني السلمي لقصيدة الشاعر/ خليفة المرشدي اللي يقول فيها :

إذا رفيقك فوقك يساعد الذيب***حظك رقد تراه ما هو بقايم
ويا سعد منهو يكسب الصبر والطيب***لو جاه من ربعه علوم وشتايم
صبرٍ على الشجعان يمرضك وتطيب***وصبرٍ على الأنذال يمرضك دايم

يقول سعدي :

يا مورد الهياب حوض المشاريب***يصدق لسانك يا قوي العزايم
الصقر ياخذ وزعته بالمخاليب***والأرنب اللي معظم الوقت نايم
لن جات من راع الوفا والمواجيب***قله تراني عن مجادلك صايم
وان جات من غيره بليا محاسيب***اسفه جوابه مال شرواك لايم
ولا الصبر راعيه فاعلى المراقيب***من سابق الأيام راعي غنايم