[poem=font="arial,6,white,bold,normal" bkcolor="green" bkimage="" border="none,4," type=0 line=0 align=center use=ex num="0,black""]
يالله يـا مخـزي ابليـس وهـادي أصحـاب الرقيـم=وأهلكـت عــاد الـلـي تـمـادى غيـهـا وفجـورهـا
وأنجيـت هـود وسايـر اتباعـه مـن الريـح العقيـم=احـفـظ بــلاد المسجـديـن ومحتمـيـن ثـغـورهـا
يـا دارنـا لـك منـزل فـي قلوبـنـا شـانـه عظـيـم=تـدلـلـي يـــا قـبـلـة امـتـنــا ومـنـبــع نــورهــا
ذرات رملـك يـا بـلادي فـي الحيـاة أفضـل نعيـم=أحــب عـنـدي مــن بسـاتـيـن تـعــج زهـورهــا
نفديـك بــالارواح لا قـابـل خصـيـمٍ مــع خصـيـم=والكايـديـن الله يـرجــع كـيـدهـا فـــي نـحـورهـا
أرضٍ بعـث فيهـا النبـي وأمـره ونهيـه مستديـم=وكتابـنـا الـمـنـزل عـلـيـه وسـنـتـه دسـتـورهـا
حكامهـا تحـكـم بـشـرع الله ومنهجـهـا سلـيـم=ومنهـا العقـيـدة لاكـثـر العـالـم تـمـد جسـورهـا
حتى أصبحت مضرب مثل للامن من عصر قديم=مهمـا البغـاة استهدفوهـا مـا نقـص مـن دورهـا
يقودهـا صـقـر العـروبـه والزعـيـم ابــن الزعـيـم=لـــه هـمــة عـلـيـا بـــذر عبدالـعـزيـز بــذورهــا
يسعى لجمع الشمل ويخلص غريـم مـن غريـم=وأهــل الـوكـور الفـاسـده يـامــر بـهــد وكـورهــا
وولــي عـهـده موقـفـه مايجـحـده غـيـر اللئـيـم=يسعـى لمصلحـة البـلاد ومصلـحـة جمهـورهـا
سلطان يوم ان الخطوب تشيـب الطفـل الفطيـم=لــه ضـربـة ضــد الـعـداء مايجـبـرون كـسـورهـا
وأمـن الوطـن بقيـادة الرجـل المحـنـك والحلـيـم=والنبتـة اللـي شوكـهـا يــؤذي يـقـص جـذورهـا
نايف عمـى عيـن الحريـب وللوطـن خيـر عميـم=أم الكـبـائـر حـــط سكـيـنـه عـلــى حنـجـورهـا
إذا دعـا داعـي الريـاض يجيـب داعـيـه القصـيـم=وكـل المناطـق لا دعـا الداعـي سريـع حضورهـا
والامـن واجـب يشتـرك فيـه المواطـن والمقـيـم=ورجـال الامـن اللـي تعـرض للسهـام صـدورهـا
يفضلون الموت في الواجب على العيـش الكريـم=باقدامـهـم ضــد الفـئـات الـلـي تـجـاوز طـورهـا
وبـلادنـا معروفـهـا مــا يـنـكـره غـيــر الغـشـيـم=مـخـدوع مــن نــاسٍ تبـيـن حقـدهـا وغـرورهــا
والابن مدري كيف يجراء يطعن امه في الصميـم=وشلـون يطعنهـا بعـد شـرب اللبـن مـن زورهــا
أمٍ تبادلـنـا الـغــلا والـعـطـف والـقـلـب الـرحـيـم=مـن حقـي أزعـل مـن زعلهـا وابتهـج لسرورهـا
كــل القـلـوب الواعـيـه تستنـكـر الفـعـل الاثـيـم=اللـي عبـث باجسـاد معصـومـة وهــدم دورهــا
وش ذنب ذيك الأرملة في البيت والطفـل اليتيـم=طـالـت يـديـن الـشـر عـايـل بيتـهـم بشـرورهـا
ياللي سلكتوا مسلك الارهـاب والفكـر السقيـم=من غاص في مستنقع الفتنة غرق في بحورها
خدمتـوا الاعـداء واطعـتـوا كــل شيـطـان رجـيـم=أسبـاب عميـان القلـوب اللـي سمعتـوا شورهـا
تقتـلـون المسلمـيـن شـيـوخ وأطـفـال وحـريـم=واخوانكـم يشكـون مـن ظـلـم اليـهـود وجـورهـا
طعتوا خفافيش الظلام الي رمتكـم فـي جحيـم=تسوقكـم للـمـوت ســوق وتختـفـي بجحـورهـا
المجـتـمـع كـلــه نـبـذكـم لا قـريــب ولا نـديــم=والقافلة في الـدرب تمشـي مـا وقـف مظهورهـا
لكـن عـودوا للصـواب إن كـان أحـد منكـم فهيـم=قــدام ضـربـة تنتـظـركـم مـــا تـطـيـر طـيـورهـا
الي في قلبـه شـك يرجـع للصـراط المستقيـم=والـنـفـس الامـــارة يـقــر بجهـلـهـا وقـصـورهـا
الحق شمسٍ واضحة ما حال دون الشمس غيم=والعلـة المستعصـيـة تـعـرض عـلـى دكتـورهـا
تعرض على منهج هـل السنـة وتوجيـه العليـم=وأصحـاب علـمٍ تنـظـر الاحـكـام مــن منظـورهـا
وطاعـة ولاة الامـر واجـب والغلـو مسلـك وخـيـم=مـــن طـاعــة الله طـاعــة الامـــة ولاة أمـورهــا
فـي ولاتنامـا نستـمـع هـمـاز مـشـاي بنمـيـم=يغـتـاب حـكـام الـبـلاد الـلـي طــوال شـبـورهـا
نـجـدد البيـعـة لقادتـنـا هــل الـــراي الحـكـيـم=الله يــســدد رايــهــم درع الــبــلاد وســورهــا
أقولها باسمي وباسم شيوخ ربعي مـن سليـم=قـومٍ نهـار الحـرب مـا تعطـي الخصـوم ظهـورهـا
و كـل ٍ بطيـبـه مــا يــذم الطيبـيـن الا الذمـيـم=ذكـرت ربعـي و النشامـى مـا جرحـت شعورهـا
وصلوا على الهادي محمد عد مـا هـب النسيـم=واعــــداد دورات الـلـيــال أيـامـهــا وشـهـورهــا
[/poem]