في عينه اليمنى الخجل كحل مسكوب (وآخر الابداع )
[poem=font="Simplified Arabic,5,firebrick,bold,normal" bkcolor="transparent" bkimage="backgrounds/6.gif" border="double,8,darkred" type=2 line=0 align=center use=ex num="0,black"]
قلبي جذبه من الغنادير رعبوب = توه صغير السن ماشق له ناب
مابان ضرس العقل يادوب يادوب = يادوب مافارق مضاجيع الاقراب
على جبينه باحمر الدم مكتوب = ابعِد قبل لاتبلش بسحر الاهداب
ومن الحلا والذوق بالحيل موهوب = الموهبه جت فيه من رب الارباب
في عينه اليمنى 00 الخجل كحل مسكوب = وفي عينه اليسرى طموح الهوى ذاب
والعنق عنق الريم والخصر مسحوب = والصدر يزهاه الحلب تحت الاسلاب
حاولت اجيب معذره لي وعذروب = وادش لي من غير باب الهوى باب
لقيت قلبي من محبته مصيوب = وشلون اعذره والحشا منه منصاب
لا قادر اوصل له ولا قادر اتوب = والصبر ضاقت به مخاريج الالباب
صبرت صبر ايوب مع صبر يعقوب = وازريت لا انسى صورته تلع الارقاب[/poem]
التعديل الأخير تم بواسطة مضحي السلمي ; 08-10-2008 الساعة 12:50 AM
|