منتدى سليم - عرض مشاركة واحدة

#4 07-18-2008, 10:33 PM

اقتباس:

يقول الجبرتي رد زين المثايل .... ورد المثايل بالحروف تعيب
فكرت فالدنيا وفكرت فالبشر .... وأيامنــا وليالـــها تجريـب
زمان يحايلنا وحنا نحايله ...... الناس تخطي والزمان يصيب
وفكرت فالشايب وفكرت فالولد ....ومن طال عمره فالزمان يشيب
إن جيت في مجلس عرب مستوايه ...قاموا لنا بالعز والترحيب
وان جيت في مجلس عرب شكل ثاني ...ماكني الا بينهم غريب
صدت نواظرهم وشانت وجيهم ....وراحوا كما معز تشوف الذيب
والجار ياخذ عام ما وصل جاره ... وان دق بابه ماجيه مجيب
واللي يبي من عند ربعه خطيبه ... قالوا عطونا صورة الخطيب
ينظر في صورتها وتنظر في صورته ... عجيب ياهذا الزمان عجيب
وان كان ولد العم أخذ بنت عمه ....تركها وبرا للشباب قريب
وبعض العيال إذا كبر يترك أمه ... الأم تبكي والولد غضيب
واللي معه مليون والا ثلاثة .... جاله من الناس البعيد القريب
مرة يشيلونه ومرة يشيلهم .... واهدافهم ما بينهم تقليب
كثرت مساجدنا وقلت صلاتنا ...والله على كل القلوب رقيب
الرب يعلم ما تكن صدورنا .... ويعلم بخاينه العيون العيب
الحول والقوات لله ربنا ....هذي مشاكل مالها طبيب
يارب ترحمنا وتغفر ذنوبنا ....وإجعل لنا من رحمتك نصيب

أبيات عظيمه
من شاعر عظيم

حاولت اقتبس من القصيده
بيت او بيتين لكن ما قدرت

مجهود جبار
+
وتنسيق رائع
+
الموضوع ( شاعر عظيم )
=
الناتج 100%

في النهايه مشكور
يا عريس