[poem=font=",5,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
كتبت الشعر بالمعنى كتبته=عرفت وبعض ناس ٍ ماعرفته
أرتب له حروف ٍ وأنتقيها=من البحر الغزير اللي وردته
بحر كل الجواهر محتويها=وأنا سباح في بحري وخضته
حروفي كنها الشهد المصفى=من المجنى ليا مني جمعته
أجيب القاف وأبنيه فضميري=وأحطه فالورق لا من وزنته
أصونه عن هزيلات المعاني=وعن الطايح من الكلمات صنته
ويشبع من جزل ما أملت هجوسي=على طرق ولحن قافي حبكته
ليا جاز لضميري وأستوالي=كتبته في سجلاتي حفظته
بنات الفكر تمطر بالقوافي=وسيل أمطارها شعر ونضمته
وينبت من ثراه أحلى المشاعر=ثمرها أحلى القصيد ليا قطفته
ولن جاء شيء في بالي يثيره=تحرك له هجوسي وأحتضنته
تبادله الأحاسيس الجميله=بأرق إحساس من قلبي قبلته
ولو كان أبكم يترحم خيالي=وبإسلوب الإشارات أفتهمته
عرفت أبرمجه صوتٍ وصوره=ودبلجته وبلساني نطقته
عسفت الشعر وأصبح هو ذلولي=ذلولي طوع يوم إني عسفته
ركبته ثم شديت الخطامي=ونصيت دروبي ثم سقته
أصدر به وعارف وش خراجه=عن المهياف والطمنه عذلته
بدون قصور في حق أي شاعر=له اللي نال واللي لي نلته
ولاحد ٍ كامل لربي كماله=ولا أقول الكمال إني وصلته
صحيح إن نضمت أحرف فريده=وشيءٍ دار في بالي وقلته
[/poem]