ماتهون النفس
رجلك أنت اللي تمشيها خطاها
فالدروب العوج ولا اللي سويه
لاتطيع النفس لا تتبع هواها
تامرك بالسوء ودروب الخطيه
أعمل اللي طيبه تلقى جزاها
تنكتب لو كان تحسبها شويه
ماتهون النفس لو ينقص غلاها
ولا يهونون الرجال الصيرميه
مايحس الجمره ألا اللي وطاها
والبشر ف طبوعها ماهم سويه
ناس توفي لك ولو طول بطاها
وناس تبطي ماتجيب لك الوفيه
وناس تلقى وجييهها تشبه قفاها
لا وفاء فيها ولا فيها حميه
لو تطب السوق ترخص في شراها
وإن شرت تشري من السوق الرديه
__________________
اللهم صَلِّ على سيـّدنا مُحمـّد عدد ما ذكره الذّاكرون الأبرار و صَلِّ اللهم على سيـّدنا مـُحمـّد ما تعاقب اللـّيل و النـّهار و على آله و صحبه من المـُهاجرين و الأنصار و سلِـّم تسليماً كثيراً ، برحمتك يا عزيز يا غفـّار
|