منتدى سليم - عرض مشاركة واحدة

#2 09-05-2011, 12:17 PM

اقتباس:

المشاركة الأصلية كتبت بواسطة مضحي السلمي

.

.

[poem=font=",5,darkred,bold,normal" bkcolor="transparent" bkimage="http://jzl-m3ani.com/vb/mwaextraedit4/backgrounds/19.gif" border="none,4," type=2 line=0 align=center use=ex num="0,black""]
عديت بأعلى الرجم اخيل المخايل = اللي على دار الغضي مسترده
بعد العصر والفي يادوب مايل = والروح من ريح النفل مستمده
اخايل ثعول المخيله همايل = وقع البرد منها غشى المجرهده
من ما دفع مشاعري للمثايل = حتى الشوارد جاتني مستعده
نظمتها في ترف ماله بدايل = يفرق عن الخفرات من طيب بَده
خلاني اهجول من العقل زايل = حاضر جسم غائب عقل لي مده
الجسم في جده وقلبي بحايل = والفكر حاير بين حايل وجده
والعين مانالت من النوم نايل = والكبد عن زاد الاوادم مصده
يالايميني مابكيفي وسايل = نار الهوى بالجوف تحرق بشده
لاصار من تعشقه وافي خصايل = وابوه كلٍ بالمواقف يعده
من روس قوم ومن شيوخ القبايل = وشلون تلحقني ملامه بوده
كفوا ملام وخيلوا للمخايل = اللي على دار الغضي مسترده[/poem]

الشاعر الكبير

ابا ماجد

صح الله لسانك قصيدة عانقت بنا نجوم السماء

فارهه رائعه مميزه بكل مافيها

الله يلوم اللي يلومك ابا ماجد اطربتني بشده

دمت ودام عطائك وبقائك

تحيتي