[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]
ينابيع الحياه الصافيه . تجري بدون نظام=عسل والطعم ليمونه . سياسة صفوة التجّار
بحر جده يابحر الحب . مثلك واسأل الأيام=درر لكن مكنونه . ويحميها بحر غدّار
حركاته حركاتك . ونفس الرمز والأرقام=لكم شفرات مدفونه . عجب !!! فيك العقل يحتار
يابحر الحب أبحكي لك . حكايه عُمرها أعوام=مع البرهان مقرونه . صحيح إن الحياه أسرار
أريج الشوق والذكرى . وليل الصمت والأحلام=على نغمات موزونه . نبي نجمع شتات أفكار
وداع يهز وجداني . حقيقه تشبه الأوهام=بوسط القلب مسجونه . نواريها عن الأنظار
فراق يبعثر أوراقي . وصبر يثبت الأقدام=رياح الحب مجنونه . نسيم الصبح صار إعصار
هدفنا نبني أبراج السعاده . تحضن الأيتام=سيوف العز مسنونه . وصرنا نسرق الأعذار
نحاول نحيي أموات الأماني . والأمل مانام=برحلة عُمْر ميمونه . وغيمه دمعها مدرار
حبيبي والوصل جسر المحبة . والعتاب أقسام=عُهُود الود مصْيونه . ياويل الخاين الغدّار
أناقلبي مدينه لك . قبل تحكم عليّ إعدام=إذا نيتك مضمونه . تعال نكمّل المشوار
على رمش الفجر . طيفك عَبَر قلنا الوعد قدّام=أكيد الروح مرهونه . ولا ندري عن الأقدار
إذا اسرفّنا بحبك . للضروره والظروف أحكام=سلام وغصن زيتونه . وخطوه بين نور ونار
وإذا ناوي على الفرقا . نقول إرحل مثل صدّام=فراق ونفس مشحونه . وصوره للبطل تذكار
وإذا صارت ينابيع الحياه الصافيه بنظام=عسل . سكر . وليمونه . كشفنا لعبة التجّار

[/poem]

__________________