القصيده الخامسه عشر للشاعر /سيف عايض الصادري سوريا
يامة الاسلام وش عاد تبغون
والقتل فالاطفال صبح وعشيه

ما يكفي اللي صار وانتم تشوفون
ضحو بنا من قبل عيد الضحيه

بشار والشيعه على الدم يمشون
وانتم تبون الغرب ياقف شويه

يامة المليار يمكن تزيدون
لو فيه دم كان قمتوا سويه

نبغى من المليار عشرين مليون
نقضي على بشار والنار حيه

لكنكم ذابحكم الذل والهون
والموت واحد يالنفوس الشقيه

شاهدت منظر والعرب عنه يدرون
من مجرمٍ ما خاف رب البريه

اطفال فالشارع وناس يموتون
واثر البلاء غازٍ يجيب المنيه

واطفال ترفس والنشاما يصيحون
ما عندهم حلا لهذا البليه

الناس ماتو والثكالاء ينادون
يا اخوة الاسلام وين الحميه

انتم سبب يالي بنوما تغطون
والله يحاسبكم بهاذي الخطيه

ياسوريا صبرا ترى الفوز مضمون
وانتم كسبتوها من الله عطيه

شهيدكم مامات لو كان مدفون
في جنة الفردوس جاور نبيه

واطفال بالجنحان وهمه يطيرون
تشفع لكم من حر نارا لظيه

ماقول غير الصير تكفون تكفون
الامر واضح والمعارك قويه

وحنا لنا الحسره ودمع ملا اعيون
ماكنت احسب الوفت قاسي كذيه

والا انت يابشار قدمت عربون
للشيعه اللي سمها سم حيه

واليوم تقطف من ثمارك يامجنون
روح لنصر الله وخلك خويه

روحو لشيعتكم علشان تلقون
ذلا يجيكم جهر ماهو خفيه

اعلومكم من دون فدون فدون
انته ردي ومعك ناس رديه
ليران يالمسكين بالذل مديون
تسدهم من دم شعبك هديه

الله يعلم كل مايصير فالكون
وامره غصب عن كل هاذي وذيه

وختامها ياربعنا يالمصلون
صلو على المختار قول ونيه