\7
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هل الهلال وياهلا كل ما هل=هذا شهر تسعة وهذا هلاله
يامرحبا مليون يوم انه اقبل =حنا على خبره وحنا رجاله
نفرش له الورد الشمالي على زل =والهيل فاله وازرق العود فاله
استبشرت كل الفيافي بعد طل =والنور شع وزاد عقب اكتماله
في طلته جتنا الإجابه على هل =هذا الجواب اللي نسينا سؤاله
والقصة اللي مالقينا لها حل =هل ولقينا حلها من خلاله
ماهو غريب يحلها شيخنا بل =فيها الغريب انا ندور بداله
شعبان زال وباقي الخير ما زل=واطلب من الله لا يقدر زواله
ماباقي الا الغيث طوّل ولا هل=وإن هل حتى البر يلبس جماله
نروح له ونحل داره ليا حل=البر مالي والمطر راس ماله
وراس مالي جلسةٍ في طرف تل=والغصن وقت القيظ يكفي ظلاله
خمسين عام وخاطري منه ما مل=شرقه وغربه والجنوب وشماله
اعرف دروبه كلها زين 00وأدل=واللي يعذرب فيه مالي وماله
تقبلوا ما دل وافين لو قل =من شاعرٍ شعره على قد حاله[/poem]
\7