تقدر على ضيقتي وتقدر تراضيني

وتقدر تخيّب هقاوي عاشق الدانه

آآآآآآمر تدلل فديتك قادم سنيني

يا ساكن بروح محبوبك ووجدانه

وإن كان قلبك حكم مابينك وبيني

لا والله الاّ معك دعواي ربحانه

أدري بضعفه وقلّة حيلته فيني

ياكم غفرلي وبعض الناس زعلانه

بلواه قربي وبعدي .. زيني وشيني

عشقه لزولي غداله مصدر أحزانه

وأنا لو انيّ مابين الحين والحيني

اخذه صوب الشقى وأعزفله الحانه

لاكن احبك واحبه يانظر عيني

الروح ترخص على شانك ومن شانه

أنت الهوى والهوى عِد المحبيّني

جتك المشاعر تسوق الورد عطشانه

إما تداوي ضماها بلمسة ايديني

والاّ بنظرة غلا من عين ولهانه

هذا وانا في غرامك يا معنيّني

يحتار فكري ثواني عند ميدانه

لا كن وربي لحلّق زال يمديني

وإن ما كفخ طير شعري ذنب جنحانه