أوثق عرى الإيمان ( 7 )
[poem=font=",6,darkblue,bold,normal" bkcolor="blue" bkimage="http://www.solaim.com/vb/mwaextraedit2/backgrounds/67.gif" border="ridge,3,blue" type=0 line=0 align=center use=ex num="0,black""]
أوثق عرى الإيمان حبك للأحباب= أولهم المختار راع الرساله
وأصحابه اللي في المواجيب نواب= أهل الفضل والعلم وأهل العداله
مَن حبهم حقق من الخير ما طاب= أنا اشهد انه حاز كل الرجاله
يا مدعي حب النبي وأنت كذاب= لا تدعي حبه وتترك مجاله
خلك على المنهج مثل كل الأصحاب= واحذر طريق أهل البدع والضلاله
مَن حب طه قصر البشت والثاب= ولا جرّها من كبر وإلا خياله
ولا ترك فرض(ن) منزل به أكتاب= ولا قطع رحم (ن) بغدر ونذاله
ولا شرب كاس الخمر كان شراب= ولا تمتع بالربا في حلاله
ولا اغتاب له مسلم ولا نم في أقراب= ولا قذف حرُّه ومن بيت أصاله
ولا ظن ظن السوء في غير مرتاب= ولا تحمل ذنب غيره وشاله
ولا لبس جنز ولا حط له كاب= ولا حضر في مرقص أهل الخباله
ولا حط له سلسال مع ثوب قلاب= متقلد الصليب يا ردي حاله
هذي نصيحة يا عسى تفتح الباب= للي يبي درب السعد والشكاله
والله يقبل توبة العبد لن تاب= وليا سعى عبد لربه سعاله
تمت وصلى الله على فخر الأنساب= نور الهدى المختار بأفضل رساله[/poem]