اخواني اخواتي اعضاء وزوار منتديات بني سليم
السلام عليكم ورحمة الله وبركاته
يسعدني ان اضع بين ايديكم هذه المتواضعه
عسى ان تنال رضى واستحسان الجميع
وش عليه من ضعيفٍ تكلم في قفاي
ماقدر يرفع لسانه ليا مني لفيت
نظرتي قدام مافيه وقت انظر وراي
وعلموه أني عن اهل النذاله مادريت
مانويت أخاطب اللي ماهو في مستواي
ومعه وأشكاله تراني مابعت ولا شريت
مع رجال المعرفة والوفاء تمشي خطاي
ولي مع اهل المرجله بيت ماهو باي بيت
ويالسبيعي يوم شرفت ربعك وزملاي
يووووم كلً دار فكره على ليته وليت
ويوم جاء طارِ القصيده وهي تبحث خفاي
والله اني منك ياصاحبي زيد استحيت
وغصت بحر الشعر والهينه ماهي عطاي
والله اني لوفي الكيل لامني عطيت
من هجاني والله انه مايستاهل هجاي
ومن نخاني والله اني لعزه ماحييت
والكفو صاحب وفاء والكفو غاية رجاي
والكفو قد فاز بالاوله سمعه وصيت