\7
[poem=font=",6,darkred,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/22.gif" border="none,4," type=2 line=0 align=center use=ex num="0,black""]
يانحلة أغصان الربيـع كبدونـا تبـي عسـل=ويا وردة الصبح البعيد شفاهنـا تبـي رحيـق
الغصن غصني كيف ماالاقي على اوراقه محل=وأنا زرعت العود لين اخضر وجناحه طليـق
لو يدري الورد الخجول إني تواريتـه خجـل=حتى رسمته حلم في صدري وأنا جرحي عميق
احارب سراب الجراد اللي على زرعي نـزل=أقابله وحدي بـلا عـزوة وينصانـي فريـق
سنيـن سـد سنيـن مرتنـي ولا فيهـا أمـل=لو تملك القدرة على الاثبـات باعتنـي رقيـق
وأنا انتظر كل الفصول وجيتها علـى عجـل=أسابق الفرصة على الأغصان ودروبي تضيق
محتار مدري كيف تجفاني ولـي فيهـا جمـل=تصد عن عيني وغيري يمهـم تبـرق بريـق
كبّرت حلمي لين صار جبال والحلم اضمحـل=راح العسل كله وحتى الشمع في كف الرفيـق
لو ترجع الأيام وافتح للأمـل صفحـة عمـل=وأبـدل الأدوار ثـم ينـام حلمـي واستفيـق
البارحة صحيّت من نومي وحلمي مـا كمـل=وأنا ادري أن الحلم حين يطير يلقاني صديـق
ياسدرة أحلامي ليا جئنا علـى دربـك نحـل=ردي علينـا الظـل وإلا لا تسديـن الطريـق[/poem]