[frame="13 80"]

صيد الجواهر

صيد الجواهر تزاحمنا علشانه
كلٍ يبا الغاليه بالسعر واعتقها

والبحر غدار والميدان ميدانه
يا كثر ماقفى بناس وناس فرقها

ما كل من جاه اخذ لؤله ومرجانه
ولا كل من يطرد الاحلام حققها

والرجل بين العرب مرهون بلسانه
والكلمة اذا نطقها صعب يلحقها

اعجب لمن يطلق حصانه ولا صانه
وأعجب لمن جاب له كذبة وصدقها

وأهل البلاغة تعرف الشعر وأوزانه
والرجل يسمع هل الحكمة ومنطقها

والشعر معروف له ناسه وفرسانه
تعرف خطوطه وأشارتها ومفرقها

واليوم كثرت شبابيكه وبيبانه !!!
كم من صحيفة وكم جلسة وكم مقهى

احدٍ يغنيه لأجل عيون عمانه
واحد معانيه غربها وشرقها

جمّع هجوسه وقسّمها بميزانه
ولأدري على ايا بحور الشعر نمقها

واكبر جريمة بحق الشعر والحانه
قصايد الناس عدلها ولصقها

ويقول جاته عفاريته وشيطانه
أهمها في مجال الشعر واسبقها

جابت له ابيات محبوكة ورنانه
وانشا قصيدة ورتبها وعمّقها

وأختارها للعرب في صدر ديوانه
واثنى عليها ومجدها وعلقها



[/frame]

__________________
"][/URL]