[frame="13 80"]

جـــربـــت الاصحاب يالالي ويالاله
أحــدٍ نعرفه ولا نعرف مقاصيده


أحدٍ بفعله واحد صحبه على الطاله
وأحدٍ بشكله واحد معجب بأناشيده


وانا بطبعي وبعض الناس حياله
اذا بغى شئ ذا عمه وذا سيده


كنه اذا احتاج عند الناس حصاله)
إن ما خذَ شئ بالحيلة خذَ بيده)


اما نصب لك بجال الدرب محباله
والا توهقت في صوته وتغريده


واللي وعدني قبل شهرين برساله
لا شفت رقمه ولا وفى مواعيده


وبعد بداها لـ خلي حالته حاله
اعلقه في حبال الهجر وازيده


وانساه حتى ينادي الشاه ياخاله
اما رجع بعدها والا مشى سيده


لو ان نفسي لفعل الخير ميالة
إذا سلمنا من الهرج ومقاريده


ولكن يا كثر ما في الناس نقاله
ومساوي الهرج في نقله وترديدة




[/frame]

__________________
"][/URL]