صد عن وجه اللئيم وصد عن وجه السفيه
وكل باب إيجيك منه الريح سده واستريح

وافتح إلباب المواصل باب ودٍ ترتجيه
والليالي تكشف القلب العليل من الصحيح

واحترص واحذر ترى نصف البشر ماهو نزيه
يوم يكشف وجهه الطيب وفي يوم القبيح

ولاتقول إن ذا رفيق وَذَا خويٍ بانتخيه
كم هقاوي فالاوادم روحت مهب ريح

وبالمواقف والظروف أتبِيين لك كل الوجيه
تعرف الوجه الغشيش وتعرف الوجه النصيح

والزمان يخبّرك عن وجه ابن فهره وأخيه
والمجالس تظهر الرجل الكذوب من الصريح

والبشر صنفين واتبع من يباك ومن تبيه
صنف من قوم الفلاح وصنف لبليسه طريح

حمدان بن مقحص

__________________