القصيده للشاعر سيف عايض الصادري عنوانها الصقر

سلام ياصقريباري له صقور
ولا الصقور الجارحه في اوكارها

انته تشوف اقصور وتلف وتدور
والناس تفدي بالقصور اعمارها

تبقى على ماكنت من مر العصور
تشوف عينك فالقصور ادوارها

اما توقع فوق من فوق القصور
فاعلى قمم ياقل منهو زارها

وتجيب صيدا ما تضويه النسور
صيدتك جزله ما تجيب ا صغارها

من بعد راح ازماع ماجتنا دهور
لاكن ما نبغى ذكر لادهارها

الجوهره صندوقها وسط البحور
واللي يبيها غاص كل ابحارها

وتجيب دره مذهلة قوم الشبور
تشغل بها كل العرب وافكارها

واللي يبي العلياء وهو عزمه فتور
احسن له الساحه يشوف اخبارها

والا الشجيع ان كان دمه ما يفور
ما ينفع الشجعان غير افكارها

اللي يبي العلياء يبني له جسور
امن المعارف والحكم واسرارها

وليا وقف في موقفه بين الحضور
قرب فتايلها وولع نارها

يشب نارا كلها عطر وبخور
من اجود الانواع كل اعطارها

يطربك بالمجرورويجيب السرور
يفرح به اصغار العرب وكبارها

وصلو على اللي جابه الله خير نور
على الرسول اللي العقول انارها