القصيده الثامنه والعشرون زواج رايد فهيدالسلمي
بتاريخ 1434/12/4
ياهجوسي ولمي بنات صوعان الفرايد
كان ماجملتها ذا الليل ما جبت الجميله

المواقف تختلف والمختلف ماهو بسايد
لله انه يجعل التوفيق لي درب ودليله

مرحبا بضيوفنا اللي شرفونا فالوعايد
مرحبا بضيوفنا اللي شرفو كل القبيله

مرحبا يامرحبا باللي حضر في حفل رايد
شرفونا ليلة فالعمر والليله فضيله

ارحبو على سلوم اسليم واصحاب العوايد
الله يحييكم اعداد البوارقو المخيله

انتم المكسب وراس المال مع كل الفوايد
اقلطوا على الدلال الشقرواعلوم جزيله

من لفانا في حللنا ياجد ان الخير زايد
واعذرونا كان جاء تقصير لو حاجه قليله


في حلال افهيد ابن عالي لفو كل القوايد
راس قوم وارث للمجد خيال الكحيله

افتختر بانه ولد عمي ليا جات الشدايد
كل علم من علون اسليم طيب يتكيله

في حلال الادصادر شرعنا شرع العقايد
من يجينا يحتمي فالبيت واركونه ضليله

شيخنا شيخ القبيله كان للقوات قايد
يتكي لاكبر قضيه كان شبت فالفتيله

يافرج يارعي الطالات يوم الحمل كايد
انت حلال لصعبات الامور الل مهيله

نفتخر بارحمنا العجفان ونرد القصايد
اهل التعليم والتاريخ واسليم الاصيله

الذهب غالي ثمن ماهو بقصدير وحدايد
ياسليم ارحامنا ياهل السيوف اللي صقيله

ياعسى مبروك يارايد وحنا لك سنايد
انت راع المرجله والعود قال انك وكيله

في علوم المرجله والطيب جبت الكسب عايد
انت وارث علم ابوك وجدك اعلومه جليله

انت واخوانك من الضفران مافيكم محايد
يانعم فيكم عيال القرم كلا في سبيله

ليلة لمت بنا الصدقان فالعيد انتعايد
يكتب التاريخ عنها مثل تاريخ الجليله