بالبدايه .. توضيح كبر شمنصير :
الموضوع شائك وحساس
تدرين وين مشكله شعبنا ؟؟ التعميم ..
والتعميم آفه لما يتلقفة إمعات يساهمون بنشرة .. يعني فيه ناس مثل الببغاوات .. مع احترامي
يرددوون الكلام وحتى الأفكار بدون مايكلفون على انفسهم التأكد من واقعيتها ..
انا اكره ماعلي في حياتي التعميم .. واكرة ماعلي اللي يشوف الناس يابيض يااسود
يااكرهك ياحبك ..
يؤسفني مايتعرض لة فئة الملتزمين من تهكمات وسخرية ونبذ ..
لكن المشكلة وين ؟؟
الكلام بيطول في هالموضوع عشان نقدر نستوعب لية ؟ وكيف ؟ صار كذا
احنا عندنا رواسب اجتماعية متجذرة بعمق سحيق .. بدأت من نشأة الوطن
ومن تأثير عادات وتقاليد اجتماعية فيها كثير من الشدة والتزمت ..
الشده عندنا ومحاربة الافكار الدخيلة من وجهه نظري ماتتعلق بالمطاوعه وبس على قولك
فية ناس كثير مو ملتزمين لكن متزمتين .. التزمت ماله علاقة بالدين
الدين الاسلامي دين سماحه .. واعرف ملتزمين كثير عايشين حياتهم ومعيشين اهلهم بكل متعه
يعني التشدد ماله علاقة بالدين .. لة علاقة برواسب اجتماعية فقط
لكن صادف ان بعض الملتزمين .. او افراد من الحسبه .. كانت تربيتهم متزمتة وصارمة
مو يعني انهم صح او انهم اكتسبوه من كتاب الله وسنة رسوله
وهالفئه هم اللي اساءو لصورة الملتزم بنظر الانفتاحيين .. فحصل الصدام ومن ثم التنافر
وكل مازادت الفجوة زاد الصدام حده .. ودخل على الخط العقول التافهه والسقيمة واللي
اخذت من الموضوع تسلية لهم بالسخرية من العلماء ورجال الحسبه ..
مشكلتنا لما مثل ماقلتي .. مانشوف دواخل الشخص .. نحكم على القشور
وهالنظرة اشخاص كثير يمارسونها .. سواء ملتزمين اومنفتحين واشخاص كثير كانو ضحايا لها
سواء ملتزمين او منفتحين .. يعني الدعوه شربكة ..
للتوضيح :
بعض الملتزمين يشوفون اي وحدة لابسه عباة كتف فاسقة .. رغم انها تصلي وتزكي وتتصدق
وتؤدي كل طقوس عبادتها على اكمل وجه .. لكن حكموا عليها بسبب مظهرها
وفيه حريم كثير للاسف يمارسون هالنظرة الاجتماعية السقيمة .. لاي وحدة تلبس
لبس مايتماشى مع هواهم .. ويحطون عليها × حتى لو كانت تتعبد اكثر منهم
وفي المقابل .. فية ناس يحكمون على اي ملتزم ملتحي ومقصر ثوبه بالتشدد وينفرون منه
مع انة ساعات يكون معتدل فكرياً وتفكيرة سلس وعايش بتوازن ..
لكن هي النظرة السطحية المعممه اللي قلت لك عنها ..
ومن هنا بدت المشكلة .. يعني المشكله فينا احنا .. في المجتمع .. مو في الالتزام ولا في الدين
ويمكن ساهم بهالوضع مثل ماقلت لك .. اللي مارسو تسلطهم وعنجهية افكارهم بعد ماانضموا
لرجال الحسبة .. وهالفئة انا ضدهم تماما .. لان تطبيق الشريعه وتعاليم الدين عمرها
ماتجي بالقوة الجبرية .. دائما القوة تعطي نتيجة معاكسه ..
وهم اللي اساءو لرجال الدين الافاضل .. وماجرى بمعرض الكتاب اكبر دليل
اما هالشخص المريض واللي يبحث عن الشهرة حتى لو على حساب نفسة فهو شخص مريض
وتفكيرة غير سوي .. يسب المرأة اللي فيهم امة واختة ؟
كان الله في عون ام انت ولدها !!
الموضوع يطول الكلام فيه .. ولي عودات اكيد ..