لو زاد همك زوم لاتنحرض حرّض
داري عــلـــى جـــــرح الـلـيـالــي ولــمـــه



تـجـاهـل الـواقــــع ولاتنـتـحـب وارّض
لــو كــان فــي قلـبـك جـروحـن مـطـمـه



ارم الهـمـوم المـوجـعـه كـلـهـا عـــرّض
لاتـشـتـكــي لـلــنــاس والــجـــرح كـــمـــه



افرض عليه اللـي تسلـى بهـا فـرّض
خـلــك عـــزوم وقـاســي الـجــرح زمــــه



وزيــد سجـاتـك عـلـى منـكـب الارّض
فــل الحـجـاج / انـصـا مـواريــد جـمــه



ترى السعه لاهمت بالطول والعـرّض
مــثــل الـخـلــيّ الــلــي مـشـانـيـه هــمــه



تلقـى همومـك كلـهـا تنـقـرض قــرّض
مـاكــن قـلـبـك قــاســي الــوقــت غــمــه

__________________

خالد مبارك بن مبيريك المعبّدي الحربي