رد: ديــوان الشاعر:ابراهيم السلمي
سجن الشقاوه
اشتقت للي نظرته تشفي الروح
اللي حداني عنه قسوة زماني
اللي ليا جيته وانا كلي جروح
يلمني بين الضلوع المحاني
سافرت عنه ودمعته تشبه البوح
من دمعة عيونه تبعثر كياني
نادى يابو خليل من جد بتروح
وشلون تتركني في بعدك اعاني
صديت غصب وداخلي قلب مجروح
قلت العفو هذا النصيب وقواني
اقدار والاقدار تكتب على اللوح
والحظ في سجن الشقاوه رماني
قال انت شهم وفيك نخوه وطحطوح
تكفى تجمل ياعزيز المكاني
جاوبت خلي وازرق الدمع مسفوح
باهات يسمعها بعيدن وداني
راع الهوى بين المخاليق مفضوح
وانا على الفرقا زماني حداني
ماعاد في لقياك خيره ومصلوح
مادام ربي جابلك شخص ثاني
هذا النصيب وحكمة الله باللوح
اباك وانته ياحبيبي تباني
لكن قدرنا فرق القلب والروح
شكواي لله ياظروف الزماني
|