السلام عليكم ورحمة الله وبركاته


اسعد الله اوقاتكم بكل خير

فاجاني احد ابناء العمومة بمحادثته احد الأيام وكانت المحادثة تدور حول الانقطاع واشغال الدنيا التي اخذت ابناء العمومة من بعضهم فارسلت له هذه الابيات التي تعبر عما بداخلها من مشاعر

اترككم مع القصيدة


ياطارق الايام روحه وجيات
ومن المواصل عن ربوعي خذتني

وحسب الذي نبغيه ياصاح ما جات
تاخذ هناي وللمصاعب عطتني

لكن على ما قيل ما فات قد مات
وانا من اللي فات ما اهتز متني

امشي واشيل من الحمول الثقيلات
قوي باس ان كانها عاندتني

وان ضاق منها الفكر سويت الابيات
شرد القصايد كلها طاوعتني

الفكر ما يختار غير الجزيلات
واصد عن بعض الحروف ان بلتني

شاعر واعانق مجد سبع المجرات
واعمق بحور الشعر ما غرقتني

لكن وانا صاحبك دنياك هيهات
فيها الفرح والحزن ما خالفتني

تاخذ نصيبك من فرح وابتسامات
والحزن ياما يالخوي حزنتني

دنياك ياطارق ما منها سلامات
كلن شكا ويقول ياما عضتني

الفوز فيها بس خمس الصلوات
والباقيات الصالحات اسعفتني

والا ترى دنياك روحه وجيات
ياما وياما عن لزومي حدتني


وسلامة الجميع


اخوكم


ابراهيم السلمي

__________________