السلام عليكم ورحمة الله وبركاته
كل عام وانتم بخير
معايدة متواضعة
انا اقول ف اللي كل ما مرني طاريه
قـــدوم الفـــرح تبــدو بوجهي تعـــابيــره
أقوم ابدي اللي يشرح البال يوم ابديه
ولو كان في قـلـبي تعـــاقب مسامـيــره
ولا اقول هذي من عيوبه وهذي فيه
ابـيــّن غــلاه ويقعــد السر في بــيره
أعزه وارده عن دروب الخطاء واغليه
ويخطي وانا أداريــه واقبل معــاذيــره
إذا قلت هذا لا تسويه.. ويسويه
وضاق الصدر من سوء فعله وتفكيره
إذا ما بدينا ف البنا هد ما نبنيه
وطالت على درب الجهالة مشاويره
وانا اللي مصبرني على حاضره ماضيه
وصـــافي غــلاه وزرد حبــه وتقـــديـــره
تمــادى وتـعـبني وانـا بالــغـــلا شـاريــــــه
وحـــاله مثل جـــار الهـــلال وجمـــاهــيــره
عسى اللي مكدر خاطري ربنا يهديه
ويحميــه مــن كل الصواديف ويجـــيرة