[poem=font=",5,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/2.gif" border="none,4," type=0 line=0 align=center use=ex num="0,black""]
يالحزن فارقني ترى للفرح دور=من الصباح وله بوجهي علامه
أرحل عن عيوني مجمّل ومشكور=مابيننا الا كلمه(مع السلامه)
لو ينحني راسي من الظلم والجور=كيف أتصدق للعرب بأبتسامه؟؟!!
أهون علي اللي خاطره دوم مكسور=أن خاطره يٌجبر وتُكسر عظامه
يالحزن رح تكفى (ترى دمي يفور)=والحمد لله مالحقّني ملامه
بيني وبينك عشرةسنين وشهور=وانا دموعي مثل وبل الغمامه
خل الفرح ينساق مع طلعةالنور=بجلس معه وابا أهتني في كلامه
بقول له من خاطري شعر وشعور=وأعلمه في شي حول(الكرامه)
بالشعر {في راسي من الجن طابور}=/جنود /.لا. و/شيوخ قوم وزعامه /
واللي يحاول منهم يلف ويدور=لابد مايدفع قصيده.غرامه.!!!
والا شعوري {ما على شعوري قصور}=أثمنّه واغليه واحفظ مقامه
وباقي كلامي دونه البوح معذور=لأنه مع الحزن القديم إنسجامه
وانا ماأريد الحزن !! (جاء للفرح دووور)=يالله ياربي سألتك دوامه[/poem]

__________________
.