الجرح
هذا انت ياجرحي وانا منك مـا انـام
تنزف بوسط الجـووف طـول الليالـي
كنت احسبك ياجرح بس عـدة ايـام
وتـزول ياجرحـي ويرتـاح بـالـي
واليوم كمل لك معـي خمسـه اعـوام
لا طبت ياجرحـي ولا طـاب حالـي
خليتنـي ياجـرح مجموعـة حـطـام
واحرمتنـي عيـش الهنـا والـدلالـي
من يوم عمري كان خمسةعشـر عـام
وانتـه مـلازم لـي سـواة الظلالـي
ماكنـت ابـوح بسـري الا للاقـلام
ولا كنـت اسـج الا بعالـم خيالـي
وارسم على اطراف الورق شكل الاهرام
واقـول هـذا منـزلـي بالعـلالـي
كنت احسب انه سهل تحقيق الاحـلام
واحسب جميع النـاس تبغـى وصالـي
فجأه لقيـت الحلـم ريشـه ورسـام
رسـام يرسـم لوحتـه بأعتـداالـي
والحلم طارت بـه ذعاذيـع ا لانسـام
واصبحت اسير الجرح حالـي ومالـي
الحـظ لا منـه تــردى ولا قــام
امـر منـه الجـرح ذيـب الرجاالـي
صدمه ومنها خاطـري صابـه الجـام
منهـا شربـت المـر واقـول حالـي
ياليتهـا طعنـت سكاكيـن وسهـام
ولى طعوون الحـرب وقـت القتالـي
ماكان شفتونـي علـى تيـه وهيـام
ولا شاب راسي قبـل كـل العيالـي
والله ماا صعب مـن فـراق ام الايتـام
الا فراق اللي علـى الـرووح غالـي
والجرح لا منه كمـل خمسـة اعـوام
انا اشهد انـه ذيـب كـل الرجالـي