السلام عليكم..
موضوع مهم جدا جدا جدا جدا جدا..
بتكلم بكل صراحه بما اني متخرجه من الثانوي السنه ذي..
وعشت المعاناه من اولها لاخرها..
انا مع وضد اقامة اختبار القياس..
مع.. لان بعض الطلاب / الطالبات..
يدرسون في مدارس اهليه وبسهوله يجوبون 100 او 99 ..
وفيه كثير طلاب/ طالبات ما عندهم القدره الماديه انهم يسجلون في مدارس اهليه..
فـ اللي درس في مدرسه اهليه راح يدخل الجامعه وبكل سهوله..
بينما اللي درس في مدرسه حكوميه بتكون درجاته نازله ومارح يدخل الجامعه..
فوضع اختبار القياس لمعرفة مين اللي يستاهل دخول الجامعه..
وضده لانك زي ما ذكرت حرااااام جهد 12 سنه يضيع في ثلاث ساعات..
وتبقى الواسطه هي الحل الوحيد..لو عديت اختبارالقياس..
لانه حتى في التقديم ظلم..
يقولك حطي ثلاثين رغبه..
وما اعتقد فيه احد في باله ثلاثين رغبه كلها يحبها..
وهم يحطونك في وحده منها..
يعني اسلوب تعجيزي..
والطالبات يختبرونهم اختبار واحد لانهم ماعاد يبون طالبات
لانهم كثير وما عاد فيه وظايف..
واتوقع بعد كم سنه بيقفلون مدارس البنات..
تقبل مروري..
بــنـت الريــــاض..