المشاركة الأصلية كتبت بواسطة مشعل مسنع الصادري السلمي

قصيدة موعضه وتذكير




اللـي مـايحـسب للـوقوت اخاف يـضويه عـمـله
وانـه لامـكـســب حــصـل ولاراس مـاله رجعـه

لـو يـلـبـس الـثـوب الـجديـد وطول الـثـوب سـبله
الـوقـت دوراتـه عـلى الغـافـل يـدور ويـصـفــعـه

كــم واحد عـول علـى وقــتـه وغــشــه وخــذلـه
الـنـوم مـع طـول السـبـات يـصك بـاب المـنفـعه

واللي رقى فـوق الـسـحاب الله جعـل له مـنزله
الـمــخـلص اللـي للالـه اشــتـاق ربـه ورفــعـه

مـايـنـقـفـل بـاب الـكـريـم ال عـبـد ربـه يسـألـه
مــادام لـه حـظ كـبـيـر ال خـيـر ربـه يـدفـعـه

وان كـان حـظ الـعبـد نام ابلـيس حظه يزمله
اما تعشى به عـشى والا التوى به وصرعــه

ابليس غـايب وان حـضرللي حـضر له يشـتله
ولـيـا حــضروسـط الذنـوب يـحط فيه ويرفـعـه

يـاكـم واحـد مــانـجـا مـن غـفـلـتـه لـلـمـسـألـه
والـوقـت وعـيـون الشـقـا قـنـابـلـه مـتـفـرقـعـه

مـايـنـكفـي للـمـرجـلـه الا رجـال الـمـرجـلـه
واللي ماهو رجل ايهبا ضعيف ساس ومنقـعه

واللي صـعـد قـمة جبل ماعـاد يرجع لـســفلـه
يبقى اسـفلـه للي مـايـقـدر يـنـتـقـل من مربـعه

تـنـبـيـه مـنـي لـلـنـبـيه الـلي نـواه يـحـصـلـه
يـوم ان مـايـنـفـع ولد مـع مـاله اللي جـمـعـه

يـقـولها اللي مـع وثـيـق الحـبـل حبله جـمـلـه
اخـذ مـن الدنـيـا تـجارب والتـجـارب مـنـفـعه

من بعد ماشاف الحـيـاه اخـطائها مـسـتـفحـله

والوقـت مـايرحـم قـلوب حــبـالـها مـتـقـطـعـه