\7
[poem=font=",6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/22.gif" border="none,4," type=2 line=0 align=center use=ex num="0,black""]
اليوم انا ناوي على المشوار وابغالي خـوي=ياصل معي حتى نهاية طرقتـي ويردنـي
ابغى خوي(ن) يعرف الخوه وفالطرقه قوي=مابغى ضعيف إذاوصل نص الطريق يهدني
يقف معي طول الطريق الصعب وقفات بدوي= ولاهو زعول احيان يكرهني ونوب يودني
يصير لي مثل الاخو ويطيعني ماهو لـوي=وانا خويه في اللزوم ومثل اخـوه يعدنـي
ترى لزومي كايده من دونها ذيـب يعـوي=ابغى الخوي صامل وبالراي السديد يمدنـي
ان رحت قدامه يراقبلي طريقـي ويحـوي=وان راح قدامي يجيـب الكايـده ويسدنـي
لو طالت المده ذراع البعـد يلويهـا لـوي=ويشد حيله لو على الدرب الصعيب يحدنـي
وليا وردنا الماء نبي نارد على عد(ن) روي=سليم هم ربعي وانا جـزل الكـلام يشدنـي [/poem]