الاخ /شمنصر الجميل طرحك الرايع ولك هذه الهديه المتواضعه


القصيده التاسعه للشاعر /سيف عايض الصادري وعنوانها الحيره


الله من حيرة فالصدر مكنونه
لن كان طلعتها تظهر خفاياها

وان كان خليتها نيران مجنونه
يارب تحسن بدنيانا سواياها

الكلمه اللي تجي برموز مدفونه
يحلها من عرف قصدك ومعناها

وتفسر العلم وتوصلك مضمونه
والناس ماهمنا كثرة نواياها

والكلمه اللي تجي بالهرج مشحونه
يدري بها كل واحدمن ثناياها

النمر دامه مسك صيدته بسنونه
ياويل من هو يجيه ويقرب حماها

وابا الحصيني يشوف النمر بعيونه
ترجف ضلوعه ونفسه في حناياها

وان روح النمر جاك يحوم من دونه
يبغى الفريسه بعد ماالنمر خلاها

ماكل بنت تغطى قلت مزيونه
لاكنها بلاقل تخفي حلا يا ها

والجوهره وسط درتها ومصيونه
واثمانها غاليه والنفس تهواها

واللي يبي عز نفسه خفف اديونه
يرقى الجبال ويعز النفس بخطاها

ويفكر في يوم ماينفعه مضنونه
دنيا كما الفيه اتمر وتعداها

ياسعد من مات وان النفس مصيونه
يسلم من الشر والخيرات يلقاها

والناس بعمارها والذنب مرهونه
ما ينفعك يالبنادم غير فرقاها