ياسلام الله سلام اسرع من الطيـاره = ممتلي بالحب والتقدير ماهو فاضـي
بالرغم من كثرة الاشغال جيت زياره = لجل عبدالله ولد عمي واخويه راضي



مرحبا ترحيب له لمحة وفية اشارة = والاشارة كافية مابين امير وقاضي
كل رجالً ياعبد الله على مقدارة = فالزمن هذا وفي وقت الزمان الماضي



السنين الأوله غـاره وراهـا غـاره = والسنين التاليه منتشـره الأمراضـي
يابو نايف لو على الدعوى نحط ستاره = كيف يفهمها الغبي ويشوفها المتغاضي



فيالزمان المنجرف وأضاعه المنهاره = نحمد الله سالمين الغش والأعراضـي
كان أبو هذال باني برج جنب عمـاره = لا يهد البرج ويدور على الأنقاضـي


تدري انك ماتجيـب اللـؤل بالسنـاره =بس خل الليل يسري لين تسري راضي
حدها دون السماء والعالـم المحتـاره = تعتبر في شكلها الظاهر طوال عراضي



أنت ما شاء الله خبير في البحر وأسراره = والبحر يغرق مدينه كاملة لو فاضي
كم كيلو يبعد الكامل عن الدواره = قبل تنظر في السماء وتشوف برقً ناضي



عمده الحاره توهق مـع عيـال الحـاره =المظاهـر ماتطـوّر والبـلا الألفاضـي
لو يزيـن الوقـت تـاره ويتغيـر تـاره = رغم دورات الزمن تبقى الرياض رياضي


عمدة الحارة مطوع وأبتلش في جاره = له سنه ماهو مغير ثوبه الفضفاضي
ليش أخوي مغيرً في منهجه وأفكاره = بعد وردنا الظوامي كلها للحاضي




كبري قويزه يبي لـه واحـده عبـاره = لو يسويه المهنـدس معتـق العياضـي
دائم المؤمن بقـوة عزمـه وبإصـراره = وانته احذر لاتصلي وانت ما انته واضي




لا تقوله والكباري نصها منهاره= وأنت لا تزعل على جدة ولا تغتاضي
الجدال يطول في يمين البلد ويساره = مير ختم وأقفل الخزنه على الأغراضي