[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لاتشتكي من لوعة الأشـــواق ياكــل الحلا=أيــام وسنـيـن العـمـر يابعـد عـمـري غاليه
ترى الهوى غلاب يحرق والدوا كلمة هلا=سولف وسولف عن شعورك منزلتكم عاليه
امـا سـوالـفنـا على عـهـد الوفــا والا فــلا=لايـمـكـن تعـيــش المحبـــه فالقــلوب الخاليه
واذا حصل بعض الخطا قل لي لاتاخذها حلا=إذا النوايـا صـافـيـه يـكفـيـك كلـمه حـالـيـه

[/poem]







[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]

قِفا نبْكي على خولَه لها بين الحنايا رمسْ=رياحْ الحُب مجْنُونه جنون الحرف في شعري
سفا سافي على الآثارْ من بالي طمسْها طمسْ=شرارْ . إعصارْ . حرب أفكارْ . تَوي ما صفا فكري
كسرت الصمت لعيونك على جدران نور الشمسْ=أضُم أنفاس عِطرك واطرد الآهات من صدري
على مركب سكون الليل يحلا لي عبير الهمسْ=احن لصوتك الدافي واذوب بجوك السحري
على باب الحكي تحذير ممنوع اقتراب ولمسْ=دُرر بالحب مكنونه ونهر من الحلا يجري
سجاياك اجبرت غاليك ينسى ذكريات الأمسْ=ويشكي لبتساماتك سوالف نسمةْ الفجري
سرابي طيفك الهادي غمسني في غرامك غمسْ=على جمر الغضى طال انتظاري مانفد صبري
تعال اهديك حُب يطوف بك بين الرياض الخمسْ=بصدق احساس عقد الماس لجلك يابعد عمري
أنا ليلي بدونك خرمسي حالك وغلس وعمسْ=هواجيس وكوابيس وخيال أبيع به واشري
إذا نفح الخزامى خاف من سيف الحسود النمسْ=بريح الهيل حلم الليل يمكن خير ما ندري
وإذا كان العطشْ يَحْمسْ عروق الياسمينه حمسْ=إذاً سلّم على الإبداع واقبل يالغلا عذري

[/poem]








هليل سليمان السلمي

قصيدة من الطراز الرفيع،،وابداع آخر يأخذنا معه بأجوائه الخلابة
صح لسانك مليون ولايوفون
قصيدة قمة في الجزالة
اسلوب سلس وقوي
قمة في كل بيت
دمت بخير

__________________