محاورة بن الشاعرين سيف خندف ( عبدالله بن عتقان السلمي ) و ( زيد العضيلة)


جرت هذه المحاورة يوم الأربعاء
21/5/1424هـبقصر الأميـري
بــــالــــريــــاض





زيد بن سلمي المطيري

مرحبا ترحيبـة مطيـر فاليـوم الكبيـر****يوم توريد المراجـل علـى حيضانهـا
ياولد عتقان وش صار في ختم الأميـر****الهـوى غيـر ستـارة علـى سلمانهـا

عبدالله بن عتقان السلمي
البقـا يأصحابنـا وقصرانـا يامـطـير****من سليـم اللـي قبيلـة رفيـعٍ شأنهـا
ماهناك أخلاف يازيـد والسايـر يسيـر****فيه يومٍ تهجـر مطيـر كـل أوطانهـا

زيد بن سلمي المطيري
أرتفع رأس الحنش وأرتخى رأس البعير****وأحددانا سليـم شرهـت ورى حدانهـا
لو نويت الطيـر بالشـر والله مايطيـر****خـل شرهتهـا تعـود علـى جنحانهـا

عبدالله بن عتقان السلمي
يالعضيلة طيعني وأسمع العلـم الأخيـر****النهايـه عانهـا والسـلامـه عانـهـا
قلتلك عود بـوردك علـى ذاك الغديـر****وأنت تبغى الناس تسقيك مـن غدرانهـا

زيد بن سلمي المطيري
ويش عندك من خبر ياغنـاوي يافقيـر****أطلب الأرزاق واوقـف علـى بيبانهـا
ياولد عتقـان لأزم تحـدد لـك مصيـر****واصلتـك الحيـة اللـي تمـد السانهـا

عبدالله بن عتقان السلمي
يالمطيري وش يحدك على السيف الشطير****روح صوب المهد وأرتاح مـع سكانهـا
أبشروا لن قادها بيننـا سلـك الحريـر****لين نعرف دايـن مطيـر مـن ديانهـا

زيد بن سلمي المطيري
مهدنا ينتج ذهـب حرتـك تنتـج شعـير****يأهل الحـرة ياحبـه علـى نيشانهـا
لا يهمك كل مرضان أجهز لـه سريـر****ماتجف الـروس مـادام فيـه أدهانهـا

عبدالله بن عتقان السلمي
مهدكم يشبه لسبت العلايـا فـي عسيـر****ديـرةٍ ليمونـهـا يـرجـح برمانـهـا
يابدو ياللي تجاراتكـم سمـن ومضيـر****ماتعرفـون المـعـارك ولا فرسانـهـا

زيد بن سلمي المطيري
كلها ديرة شـرف كلهـا خيـره وخيـر****ياهـل الخلفـه قطعتـوا نقـذ حيرانهـا
والله إنك تو ما صرت في عيني صغيـر****روح في شأنك وخل العرب فـي شأنهـا

عبدالله بن عتقان السلمي
السفاره مابقـي وسطهـا غيـر السفيـر****والهنود مـن المجاعـه كثـر جنجانهـا
والله إنك كنت في نظرتـي شـيٍ كبيـر****ليـن نـارك يالعضيلـة كثـر دخانهـا

__________________