بمناسبة الاحتفال بتقاعد الأستاذ / يحي مرزوق الحارثي أحببت المشاركة بالأبيات التالية ....
وكان ذلك في 14 / 2 / 1432 هـ بفندق موفنبيك بجدة
[poem=font="arial,6,black,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]
سلام وأبدأ بالقصيدة سلامي = وموجهه للحاضرين الحشامي
وأخص أبو سلطان جيد الحزامي = هذا الصحيح وقولوا اللي تقولون
يحي وله في صفحة المجد تاريخ = وركاب راع الطيب عنده مناويخ
ربعه بني حارث رجالٍ مطانيخ = هذا الصحيح وقولوا اللي تقولون
رجلٍ عزيز وله بقلبي معزّه = ما ظنتي به واحدٍ ما يعزّه
ثابت شبيه طويق ما أحدٍ يهزّه = هذا الصحيح وقولوا اللي تقولون
أفنى مع التعليم زهرة شبابه = يرجي رضا الخالق ويرجي ثوابه
والليلة نكّرم لحضرة جنابه = هذا الصحيح وقولوا اللي تقولون
مرّت سنين وكأنّها ظرف ساعة = ما أحدٍ عصاه ونقول سمعاً وطاعة
رجلٍ حشيم وكاملاتٍ طباعة = هذا الصحيح وقولوا اللي تقولون
له موقف مشهور في كل حصه = واللي يطيعه لازم إنه يرصه
مع الجميع ولا به أحدٍ يخصه = هذا الصحيح وقولوا اللي تقولون
يا ما و يا ما قال من معجزاتا = ينطق حِكم ويجيد صوغ النكاتا
حلاه زايد فوق سكر نباتا = هذا الصحيح وقولوا اللي تقولون
يا صاحبي لك موقف ما نسيته = ما أحدٍ درى به في ضميري خفيته
يا جعل مثلك جنّة الخلد بيته = هذا الصحيح وقولوا اللي تقولون
العالم الله ما نوينا نودّعك = لكن دورات الزمن ما تطاوعك
طيّب ولا أحدٍ فوق طيبك ينازعك = هذا الصحيح وقولوا اللي تقولون
احدٍ حزن واحدٍ عيونه تباكا = يا خوفتي من بعدها ما نراكا
يا ما حلا أيامٍ توالت معاكا = هذا الصحيح وقولوا اللي تقولون
وختامها صلوا على خير الأخيار = نبينا اللي حث الأمة على الجار
عداد ما هلت من المزن الأمطار = هذا الصحيح وقولوا اللي تقولون
[/poem]
__________________
[poem=font=",6,white,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/198.gif" border="none,4," type=2 line=1 align=center use=ex num="0,black""]
هذا كلام اللي ابد ما يخافي = الا من اللي يحفظ الطير لا طار
من عادتي يا ناس ما انظر خلافي = لو كان من خلفي براكين واعصار
البس مع اصحابي ثيابٍ نظافي = واخوض بالجزلات في كل مضمار
عيني على العليا براس الطنافي = مرقابها ما يبلغه كل صقار
[/poem]
قناة اليوتيوب الخاصه بي