المشاركة الأصلية كتبت بواسطة عبدالعزيز البارودي

[poem=font=",5,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الرزق بيدين الولي خالق الخلق=ومقسم أرزاقه على كل خلقه
ولو كان بيدين البشر بابها غِلق=وقصفت غصون الرزق وأجتث عرقه
سج الوسيعه يالبنادم ولك رزق=كل ٍ خلقه الله وكافل برزقه
أحدن يجيه الرزق من غير يرمق=رزقه يجيه وما لحقته مشقه
وأحدن ردي حظه وبالحيل منطق=يتعب ويشقى والصدر فيه حرقه
وما بينهم يالمستمع شاسع الفرق=الغرب في هالكون ماهو بشرقه
أحيان تلقى راعي المال يقلق=ما كن له مع هالملّذات وفقه
من كثر ماله ضاع فكره ويمحق=وأحيان تنشب لقمته وسط حلقه
وألا قليل المال فالصببح يزرق=وليا لقي شيء ٍ قنع به وطقه
وراع الحسد دايم على رزقهم شفق=طماع طبعه والحسد وسط عرقه
ينسى الذي عنده وعينه كما البرق=ينظر لما للناس ما شاف شدقه
لو كان ما ينفق ولا عمره أنفق=ولا يعرف الحسنه ولا فيه صدقه
هذاك من ناس ٍ تعود على النق=هذا ينق بذا والآخر ينقه
وأغل من دور مع أثنينهم حق=يبطي عظم مانال لو ربع حقه
والناس رحله فوق مركب وتلحق=مركب فنى يشتالنا فوق وسقه
نمشي بها الدنيا عساها توفق=مثل الغريب اللي مسافر فطرقه
والموت قافي والصحايف تطبق=كل ٍ على يومه عميله يخنقه
وقرابته يبنوله البيت ويشق=فالأرض مايأخذ معه غير خرقه
ويارب تحسن خاتمتنا وننطق=شهادتين الحق باخير نطقه
وأجعل لنا محشر معا خير مرفق=مع النبي المصطفى وخير رفقه
وختامها صلوا على منبع الخُلق=إعداد ما يرعد وما لاح برقه
[/poem]