[poem=font=",6,darkred,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/6.gif" border="none,4," type=2 line=0 align=center use=ex num="0,black""]
البارحه فكيت من صدري كتاب = ومرت علي الذكريات العديده
ذكرت وقت اصحاب واقراب واحباب = وقت مضى ياجعل ربي يعيده
يوم الصداقه تنحسب حسبة اقراب = واللي يصادق صدق يعرف عضيده
كان الرفيق اليا زعل جاك بعتاب = ويضحك لو ان النفس ماهي سعيده
واليا طلبت مسامحه خاطره طاب = يدمح خطاك ولا وقف بالمكيده
اشهد شهادة حق ماني بكذاب = شرواه يوم يغيب عني فقيده
مثله يهز القلب شوقه ليا غاب = وغيره غيابه مايزود رصيده
واللي ليا مني نخيته ولا جاب = ماعده بجنبي ولاني سنيده
ارميه مثل العود من يد حطاب = والنار من عود الحطب مستفيده
قال المثل لو زادت اعداد الاصحاب = يكفيك واحد لليال الشديده
ناس على الاقراب تختار الاجناب = تبطي مابين المخطيه والسديده
الادمي من بين الاقراب ينهاب = لو كان ماجاته على مايريده
وان شفتهم حولي طوابير واحزاب = حطيت في جنب الحديده حديده
قطع الوصال اشد من قطع الارقاب = لكن عجزنا فالعقول البليده
واذا على قوم اللحا فازو اشناب = حكمة زمن والله كفيل بعبيده
صار الوفي ينلام والشهم ينعاب = وام الكباير فالكباير رشيده
في حكمتي مابه عن الشر مجناب = اما يصيد الشر والا نصيده
علمتني ياوقت والراس ماشاب = ان الحياه احلام والدرب سيده
وان الذكي مايامن الضرس والناب = لو عاش بالفرحه ليالي مديده
لابد مايمسي من الوقت منصاب = وان ولت الاقدار جاته معيده
وانا مسالم وان حصل حرب حراب = واعاند الاقدار لاجت عنيده
مرت ثلاث سنين والحال ماطاب = والمقبله مثل المزون البعيده
اخيلها مابين راكد ومرتاب = وادعي عسى المسجون ينحل قيده
ايام مرت مالها عد وحساب = صفحه قديمه والعوظ فالجديده
[/poem]
بقلم
شاكر السلمي
__________________
[poem=font=",5,blue,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/12.gif" border="double,4," type=0 line=0 align=center use=ex num="0,black""]
هو صدق من يضحك من الوقت مرتاح؟؟ = رجــل(ن) ضـحـك مـقـهـور مـامـعـه حـيـلـه....
والا صـــحـــيـــح الــــحـــــزن تـــــتـــــلاه الافــــــــــراح؟؟ = مــــثـــــل الــــمـــــزن يـــــرعـــــد ويـــــتـــــلاه ســـيـــلــــه....
والا الـــهــــمــــوم تـــصــــيــــب مــــــــــــده وتــــــنــــــزاح؟؟ = مــــثـــــل الــــدهـــــر بـــــعـــــده تـــــهـــــل الــمــخــيــلــه....
هـــو فـيــه حــــب يـعـيــش مــــن دون الارواح؟؟ = اجـــــل عــلـــى ايـــــش الــقــبــر يـــزهـــم خـلـيــلــه....
هــو فـيـه شـخـص يـقــوم مـــن بـعــد مـاطــاح؟؟ = يـامــكــثــر اغـــصــــان الــشـــجـــر مـسـتـمـيــلــه....
ولــيــش الــدجـــى ســتـــار والـصــبــح فــضـــاح؟؟ = الــشـــيـــخ لامــــــــن مـــــــــات مـــــــــوت دخـــيـــلـــه....[/poem]