[poem=font=",5,black,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/5.gif" border="double,4,red" type=1 line=1 align=center use=ex num="0,black""]
يشوش الراس وأشعر بالفخر والمجد لي عنوان=ومن حق أي واحد يفتخـر بأصلـه وعنوانـه
أنا لي عزوة تاريخهـم دايـم رفيـع الشـان=ليـا قالـوا سليـم يشـرع التاريـخ بيبانـه
وأنا لن جيت ابتكلم عن ربوعي كلامـي زان=عن السيرة عن الديرة والأسم كيـف تبيانـه
أقول سليم بن منصور جده قيس بـن عيـلان=ابـن عدنـان واسماعيـل وابراهيـم جدانـه
واقول محافظتنا الكامل اللـي شامـخ البنيـان=بدعم من الحكومـة وإستقـروا فيـه سكانـه
وبذكر واديين مـن أوديتنـا واكبـر الوديـان=وأقول ستارة وساية سقاهـا الغيـث بأمزانـه
ومـن مكـة ليـا طيبـة منازلنـا لحـد الآن=وبيت العز ما تهتز فـأرض العـز سيسانـه
ذكر ياقوت جزء من الخبر في معجم البلـدان=حقايق واضحة ما هي بسـر يجـوز كتمانـه
لنا حرة سليـم وحـرة النـار ولنـا جيـران=وناصـل للدفينـة والعـرب كـلاً ومسكانـه
تجاورنا مزينة من شمال وغـرب والهـذلان=من الغرب وقبيلة حرب شرق الدار واركانـه
ولا قالوا شمال وشرق قلـت تحدنـا غطفـان=وكلاً محتمـي داره وحافـظ حـق جيرانـه
أقوله حسب ما جا فالكتب والعلم لـه برهـان=وانا ما اقول علم إن كان ماحضرت برهانـه
لنا ذروة سنام المجد وهبـت ربنـا الرحمـن=وخير الناس حنا فـي نهـار الفتـح عوانـه
حضرنا فتح مكة بألف فارس داخـل الميـدان=لنا التاريخ يشهد والخبر وسط الكتـب عانـه
ويكفينا فخر قول الرسول بماضـي الأزمـان=أنا ابن العواتك مـن سليـم ويصـدق لسانـه
وبذكر مختصر من سيرة الأبطال والشجعـان=كلام يجبر اللي يسمعـه يصغـي لـه أذانـه
صحابة تابعين قضاة فرسانـاً لهـم سلطـان=أهل حكمة ومرجع للغـة والشعـر وألحانـه
مواقفهم فخر والظفر منجـا والكريـم معـان=ومن ضمن المواقف موقف من الصعب نسيانه
نهار أعلن عمر فأربع بلاد وقـال فالأعـلان=لى وال البلد يرسل رجل من خيـرة أعوانـه
وجوه من البلاد أربع رجـالاً كلهـم سلمـان=بنى مجـد القبيلـة مجدهـم واعتـز بنيانـه
ومنا الترمذي والترمذي واحد مـن الشيخـان=من رواة الأحاديث الشريفـة صـدق وأمانـه
ومنا محمد إبن إسحاق والجحـاف والفرسـان=حكيم ومره وعتبه وعمرو وصخـر وأخوانـه
وبن فرقد وابن مسعود ومجالد وإبن عـزوان=وإبن عتبه وإبن مرداس والحجاج فـي شانـه
وزيد ونصر إبن حجاج وإبراهيم بن حسـان=ومنا الورد إبن خالد وإبـن خـازم وعمانـه
وقاضي قرطبة بن حفص والضحاك بن سفيان=وبن عمـار يشهـد لـه رسـول الله بايمانـه
وقايد جيش أبو جعفر نهار الحرب إبن قنـان=وعمرو بن الشريد وقصته فالقصـر وإيوانـه
تكلم عند كسرى والخر جالـه مـع النعمـان=وقال الكلمة اللـي رجحـت بالحـق ميزانـه
ولا ننسى عمير بن الحباب ومن معه ما هـان=صعد سور حصن الروم حتـى هـد جدرانـه
ونعرف صاحب الراية بيوم ارتـدوا العربـان=يزيـد وجيشـه اللـي رد للمرتـد عدوانـه
ومنا شاعرة لا مر طاريهـا علـى الأذهـان=فطاحلة الشعر تاقف أمـام الشعـر عجزانـه
ومعاركنا بذاك الوقت يوم الحـرب والأكـوان=كثيـره والمراجـع واجـده والكتـب مليانـه
ما تحصى لو اعدها ولا يكفـي لهـا ديـوان=لكن إليا احتمى وقـع القتـال وشـب نيرانـه
تفوز بغالبيتها سليـم إليـا التقـى الجمعـان=مثل يوم الكديد اللي قتـل بـه فـارس كنانـه
ومن أسما خيول سليم غبرا وعلـوة ودهمـان=والأعوج والمصبح واحتمى مرهـوب ميدانـه
اساميها كثيره لـو بعددهـا فـرس وحصـان=لكـن المختصـر كافـي وللميـدان فرسانـه
ورايتنـا ترفـرف والعلـم تزهابـه الألـوان=عـن الأعـلام متميـز بتصميمـه وبألوانـه
لنا ماضي عريق ومجد بانينه على السيسـان=وحاضرنا يشرفنـا وعـز الـراس بامتانـه
تعلمنـا وعلمنـا وعملنـا ندعمـه بإيـمـان=غمرنا ربنا من فضلـه المحمـود وإحسانـه
لنا مع دولة آل سعود موقف ثابـت الأركـان=وعبد الله ولـي الأمـر والسلطـان سلطانـه
وولي العهد حام الحد وقت الحرب والعـدوان=ونايف سيدي عينه على أمن الـدار سهرانـه
لهم منـا علـى سنـة رسـول الله والقـران=ولاء وطاعة وبيعة ما فيهـا نقـض وخيانـه
يقوله شاعـر قلبـه بحـب المملكـة مليـان=وحب سليم يجري مع دمه في وسط شريانـه
يصوغ الشعر صوغ المحترف ويعدل الميزان=كلامه معتبـر حاميـه مـن زوده ونقصانـه
وفي كل القبايل نعم وفعـول الرجـال تبـان=وكلاً له مع التاريـخ فعـل ومركـز وخانـه
قبايلنا غدو بعد المعارك والحـروب إخـوان=تحت ظـل القيـادة بعـد ظـل الله سبحانـه
وصلوا عد ما لا حت بروق الغيث فالأمـزان=على محمد عليه أفضل صلاة الله ورضوانـه [/poem]