شعر ماء السماء هـ 23/12/1433

بسم الله الرحمن الرحيم

ألا يا الله إنـي طالب فضـلك المـــدرار
وتيسيــر ما تصعـب علينا تـدابيــــــــره

ظروف المعيشة مكلفـه والعيال إصغار
ومـن قـام منهـــم ما تبشـر مسا فيـــره

تعلا شداد المرجلة وانســـحب وانهـار
يحسب المراجل هرج مجلس وتصفيره

ليا قـلت له كثـر علـيه مـــن الأعــــذار
ومن كثـر لفه صرت أكـذب معاذيـره

تعذبت من كثـر المصاريف والأسـفار
وتعبت مـن يفـزع معـي فـي مداويره

هجرت المنام وسقت نفسي على الأخطار
أحسبه بعيد وصار فــــي طــــــارف الديـرة

ليا شاف رقـمـي قـفــــل الخـــــط ولا ثار
عــلـى هاتـفـه وأطــفأ مفاتيـــح أزار يــره

كسرخاطري وأسرف على النفس بالأوزار
عســـى الله يـــدله مســـلك الخيــر ويجيره

عـقــــول صغيــرة في جســــوم ثقال إكبار
يــدلك عـــلـــى ما قول رأيـه وتــــدبيـــــره

وأنا راجي الفرد الصمــــد هادي المحتار
يفــرج همــــــــوم كثرها يجلب الحيرة