تجربة الجبرتي مع الأيام
شاعر كالجبرتي وفي سن الجبرتي لا بد أنه خاض الكثير من التجارب ولا بد أنه ذاق من الوقت الحلو والمر وعرف عن الناس الشيء الكثير , وفي القصيده التاليه نشاهد صوراً رسمها الجبرتي :
القصيدة
يقول الجبرتي رد زين المثايل
ورد المثايل بالحروف تعيب
فكرت فالدنيا وفكرت فالبشر
وأيامنا وليالها تجريب
زمان يحايلنا وحنا نحايله
الناس تخطي والزمان يصيب
وفكرت فالشايب وفكرت فالولد
ومن طال عمره فالزمان يشيب
إن جيت في مجلس عرب مستوايه
قاموا لنا بالعز والتراحيب
وإن جيت في مجلس عرب شكل ثاني
ماكني الاّ بينهم غريب
صدت نواظرهم وشانت وجيهم
وراحوا كما معزا تشوف الذيب
والجار ياخذ عام ماوصل جاره
وإن دق بابه مايجيه مجيب
واللي يبي من عند ربعه خطيبه
قالوا عطونا صورة الخطيب
ينظر فصورتها وتنظر فصورته
عجيب ياهذا الزمان عجيب
وإن كان ولد العم أخذ بنت عمه
تركها وبراّ للشباب قريب
يحط فيها عيب ماهو بفيها
وأهيه توده ماتبيه يغيب
وبعض العيال إذا كبر يترك أمه
الأم تبكي والولد غضيب
واللي معه مليون والاّ ثلاثه
جاله من الناس البعيد قريب
مره يشيلونه ومره يشيلهم
وأهدافهم مابينهم تقليب
كثرت مساجدنا وقلت صلاتنا
والله على كل القلوب رقيب
الرب يعلم ماتكن صدورنا
ويعلم بخاينة العيون العيب
الحول والقوات لله ربنا
هذي مشاكل مالها طبيب
يارب ترحمنا وتغفر ذنوبنا
وأجعل لنا من رحمتك نصيب
أمين