منتدى سليم - عرض مشاركة واحدة

#9 06-22-2014, 04:54 PM

اقتباس:

المشاركة الأصلية كتبت بواسطة عبدالرحمن النقريني

بسم الله الرحمن الرحيم

السلام عليكم ورحمة الله وبركاته

اعود إليكم بهذه القصيدة واتمنى ان تحوز على رضاكم

ياصعب لو تدري عن ظروف الايام
ماكان تنشدني وش اللي جرالي

من عام واكثر عايش فـ تيه و اوهام
اشرب من العلقم و اقول إنْه حالي

وتاخذني الذكرى كما نوم الاحلام
واذكر زمان(ن) يالخوي قد مضالي

ذكرى وليف(ن) قد هجرني من العام
عيت تغادر صورته من خيالي

راح و ترك في قلبي اوجاع و الام
و اخذ معه روحي وفكري وبالي

من بعدها قلبي عن الحب قد صام
و اصبح اسير الحزن طول الليالي

اسهر طوال الليل والجفن مانام
واسامر جروح(ن) بقلبي لحالي

جرح(ن) رسمه بداخل القلب رسام
كتب عليه اسمه وشد الرحالي

و ختامها من قلب في حبكم هام
وش حيلة الولهان يا هملالي

لا صار مايدفعك لي حب وهيام
دور و تلقى لك حبيب(ن) بدالي

وسلامتكم ..

تحياتي لكم ..

عبدالرحمن النقريني ..

صح لسانك

وبيض الله وجهك

ابراهيم النقريني اجدت وابدعت

واطربت مناظرنا بهذه الصور الجميله