يا شلة الإرهاب ما انتم سعيدين***في ذمتي عنكم بعيد السعاده
تقتلون اطفال قلتوا على دين***حرام ما انتم من رجال الشهاده
واللي وراكم مثلكم ناس غاوين***ماهي غريبة لو لبس له قلاده
وترى الشهادة صدق نصرة فلسطين***ياللي بغيت الصدق دور وكاده
وصقور نايف لأجلكم مستعدين***لين المعاند ينتهي من عناده
وتقول ترى العفو للحين للحين***للي يبي يرجع لسابق رشاده
واطفالكم مما عملتم بريين***وطريقكم خاطي ولا هو عباده
نصيحتي كونوا على العهد وافين***والرجل ما يرضى العبث في بلاده
وترى الرسايل تنعرف بالعناوين***والنار تاليها يعود رماده
ياناس وش تبغون وش عاد ناوين***بعد الأمن والخير وش به زياده