\7
[poem=font=",6,darkblue,bold,normal" bkcolor="blue" bkimage="http://www.solaim.com/vb/mwaextraedit2/backgrounds/67.gif" border="ridge,3,blue" type=0 line=0 align=center use=ex num="0,black""]
ما ني بشاعر ولا أحب الشعر كمـا تظنـون =لكن ميراث أبوي أخشى عليه مـن البطالـه
أعسَف البيت مثل اللي على المهره يعسفـون =وأخشى عليه الردى وأخشى عليه من المقاله
والحر من طبعه الوكر المنيف اللي تعرفـون =ويموت موت القهر يا لو نزل تحت السفالـه
ما يُعرف الرجل غيـر بجابتـه كمـا يقلـون =من جابته تتضح شخصيتـه معـدا وأصالـه
هذا ورثناه من شيخٍ وشاعر علـم مضمـون =من مبطي بن حبيب الله عسى في العمر طاله
تسعدني الطيبه وادفـع بهـا للـي يطيبـون =وأهرب عن أهل الردى واللي صداقتهم وخاله
قلبي وفيَ للوفيَ وأهل الوفـى لابـد يوفـون =وأهل الردى ما نواطنهـم ولا فيهـم عدالـه
الشعر يا طالبين الشعر له معنـى ومضمـون =فيه الحكـم والمواعـظ كأنهـا دم الغزالـه
فيه اللألئ ليا نثرت ومـن قـوم يغوصـون =كـلاً بسـط كفـه ويمنـاه للـدًر يحـوالـه
ذاك القصيد الجميل اللي لعرضك بشت مصيون =تزهى بلبسه ولا تخشى علـى زريـه زوالـه
ان جيت عند الفقيه وقلت له يا شيخ وشلـون =صحح مقالك مثل حسـان يـوم الله عطالـه
أما ردي الشعر يـا سامعـي تـراه مطعـون =مطعون فـي مبتـداه وختمتـه درب النذالـه
ما يتبعه غير غاوي ما يميز كاف مـن نـون =تلقاه يسعى على عمياه غـارق فـي خيالـه
يصفق بكفه على الأخرى وبه زارٍ ومجنـون =الحمد لله على فضله عسى ما الحـال حالـه
هذا مضيع شبابه واشهد انـه راح طاحـون =طاحون لبليس ضحى به ويتـم لـه عيالـه
هذا كلامي وكلا يعـرف العُليـا مـن الـدون =وليا سعى العبد في التوبه ترى الخالق سعاله [/poem]