يـا ناشــد عـنـا يـفــيـدك حســـبـنـــا... حنــا ترانا مـسعـر الـحرب حنــــــا
حنــا سـليـم اللي عــريـب نســبـنـــا ... أهــل بــيــوت بالـمــعــزة تـبنــى
عـز الصـديـق وحرب للي حـربـنــــــا ....حـريـبـنــا في نـومـتـه ما تـهـنــــا
حنا لـيا دارت رحــا الحـرب أجـبنــــا ....بـمــصــقــلات بالـعـدا يـبـتـعــنــا
إذا نـقـلــناهـا فــي الأكـوان صـبنــا ....نــشـبــع ذياب للـعشــــا يـقـنـبـنا
يـا مـا عـلى قـلــب الأصـايل ركبنــــا ....وسقـنا على الدار المخيفــــة ضعنا
نرد حـياض الـمـوت ما قـط هـبنـــــــا ....والنـصـر من ظاري شعـار لهـلنــــا
كـم فــارس بسـيـوفــنا له حـزبنـــــا ....ورمـــا حــنا بــدمـاء عـدانا تحنــا
وإذا وردنا الـمـاء لـصفوه شربنــــــا ....وتــقـصـر حــبال اللاش ما يردنــــا
يا طـيـبنا للـي بـطيــبــه قــــربنــــا ....ويــا كـودنا للي يــبي الكـود منــــا
ولـيا كـذب ولـد الـــردى مـا لـذبنـــا ....حــنــا إذا قـــلـــنا تــرانا فـعـلـنـــا
في فتح مـكـة للــرسـول استجبـنـــا ... فـيلـق مـن الفرسان محسوب منــــا
عـباس بن مـــرداس مقـدم عـربنــــا ....إذا دعـــــا داعـــيــه مـحــدٍ تـونــــا
في حنيـن للـرب الكـريم احـتسـبـــــنا .... حتى عـلى النصر المـؤزر حـصلنــــا
وفي الـقـادسـيـة بالأسـنـة لـعـبـنــــا ....خضنا المعارك مع سعد والمثنــــــى
يامـا عـلـى بـيض الصحائف كتبنـــــا ....طـيب الثـنا والمجـد معـروف عـنــــا
الساس عـدناني به الـمـجـد يـبنــــــى ... ماهـي سـوالـف قـوم قـالوا وقـلنـا
حتى مـلـوك الـفـرس ذاقوا عطبنـــــا .... والـروم تـشـكي مـن يـديـنا طعـنــا
خـضنا المعـارك ليـن نـلـنا طـلـبنـــــا ....كـيـد الـعــدا عـن ديـنـنا مـا فـتـنـا
من طيب نبتـتـنا ومن حسن أدبنـــــــا ... عِـز الخـوي والجار من يوم كنــــــا
معـــززين الجــار مهـمـا طـلــبنـــــــا ....يثـني عـليـنـا كـل مــــاراح عــنــا
ودن النجـور أم القهاوي طـربـنـــــــا ....ودلال مـمـلــيـة بـهـــيل وبــــنـــــا
أمـجـاد شبــيـنا عــليهـا وشبــنـــــا ....وكـم واحـد قـبلي بـلأمـجـاد عنـــــا
والضيف نفرح به ونبي عـجـبنـــــــــا ... ونـقـريه حيــل بالصــيانا تـثـنـــــى
وكـل بجـوده للــعـرب ماشـذبـنـــــــا ...صالوا وجالوا يـوم صلنا وجـلنــــــا
على العـلوم الطـيـبة ما حتجـبنـــــــا ... كل بقسـمة فـــاز مـنـهـم ومـنــــــا
واليـوم ربـنـا بــفـضـله وهــبـنـــــــا ... أمن وعـدالة جـت على ما تمنـــــــى
ما عـاد لا نهب ولا أحـد نـهـبـنــــــــا ...والـفضل بعـد الله لـقـادة وطــنــــا
هم فخرنا هم كـنـزنا هـم ذهبنــــــــا ... هم بـيتـنا اللي في ظـلاله سـكنــــا
حلوا مـشاكـلنا وفـكـوا نـشـبـنــــــا ....وسهروا لراحتـنا وتحقيق أملنـــــــا
عـبد العـزيز أللي بـدوره جذبنـــــــا ....من ظـلمة فيها الجهل مستـكنــــــــا
أحـسن لمحسنا وطـوع صعبنـــــــــــا ... بالسيف طـوع شامـنا مع يـمنــــــــا
وحد على حكم الشريعة شـعبنـــــــــا ... وصارت عصانا واحدة واكتملنـــــــا
تحـت شعـار الـدين محـدٍ غلبنــــــــــا ....الله علـى كـل الأمـور اسـتعـنــــــا
للشاعر : عوض السلمي