لـنّ مـال وقتـك لاتحـاول تجاريـه
خلـك علـى مبـداك فـي كـل حالـه


ارّكــد لـيـا دارة محـالـة دوالـيــه
لاتنّجـرف فــي منحـنـاه ومجـالـه


الرجل يرفـع من مقامـه مباديـه
وليـا اختلـف مبـداه واعـزّت ألـه


طبع الزمن دوار من عهد ماضيه
ماهو علـى درب الوفـا والجمالـه


ليـا صفالـك يــوم لاتنّـخـدع فـيـه
احّـذر يـغـرّك فالـزمـان اعتـدالـه


ضحـاح يـومـه مايبـيـن خوافـيـه
يبقـى جهـول . ودورتـه لامحالـه


لاتصـدق ايامـه وتنـسـى قوافـيـه
يرميك فـي بحّره وغـيّ أجّتوالـه


خلـك حكيـم ودون حالـك وداريـه
الرجـل وصلـه مـن حبالـه حبالـه


وليـا لقيـت اللّـي كثيـره طواريـه
دوّر مــن الاجــواد واحــد بـدالـه


لاشـك تلقـى مـن يسلّـي مخاويـه
طلق الحجاج اللي يسرّك قباله


وجه الزمن لو كان يبدي مساويه
يلفيك في حزات باهل الشكاله


وكان انّعدم منهو جويـده مساقيـه
أخـيـر لـلـرجـال عـيّـشـه لـحـالـه

__________________

خالد مبارك بن مبيريك المعبّدي الحربي