[poem=font="simplified arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ياسحايب كـل ماعـرّض شمـال = بارق الوسمـي عيونـي تتبعـه
ياسحايـب شوقـي الظامـي زلال = ما ارتوى والمـا قريـبٍ منبعـه
ياسحايب شوق للعاشـق ظـلال = اتعـب الهقـوات واتعبنـي معـه
لك حنيـنٍ كثـر حبـات الرمـال = لو نثرتـه يعجـز اللـي يجمعـه
انـت فالخفّـاق ياتـرف الـدلال = محتـوي كـل الفجـاج الاربعـه
ادري ان الوصل ياشوقـي محـال = كيـف لـو تثنيـه والا تربعـه ؟
لانقطع منك الرجا قطـع الحبـال = من بعدك الحب يلقـى مصرعـه
والله اني قبل اشوفك كنـت عـال = دالهٍ بالـي وحالـي فـي سعـه
راضيٍ بالحال لـو ماهـو بحـال = ما اطرد المقفي ولا اتبـع أمّعـه
كنت اقول الحب ضرب من الخيـال = والزمان انكـان ماطاعـك طعـه
وكنت اقول العشق ماهو راس مال = ومن يبيعك لانكسـر قلبـك بعـه
وكنت اقول الصبر من طبع الرجال = والرجل لاحـب يصبـح مطمعـه
وكنت اشوف ان الهوى ماهو حلال = ومن يخالفني برايه مـا اسمعـه
وكنت احس ان الكرامه طيب فـال = ومن تمنّع عن وصالـي تمنعـه
ويوم شفتك جـاك قلـبٍ لايـزال = شايلٍ بحر الهوى فـوق اصبعـه [/poem]

__________________